ඒකාබද්ධ විපක්ෂය යන ශුද්ධ වචනය හොරුන්ට මංකොල්ලකාරයනට භාවිත කිරීමට ඉඩ ලබා දිය නොහැකි බවත්, ඒ වෙනුවෙන් විපක්ෂයේ කාර්යභාරය ඉටු කිරීමට තමා මැදිහත් වී ඒකාබද්ධ විපක්ෂයක් පිහිටුවා ගන්නා බවත් හිටපු අමාත්‍ය මර්වින් සිල්වා මහතා අද (16) කොළඹ මහජන පුස්තකාලයේ මාධ්‍ය හමුවකදී කීවේය.
‘එදා සියලු දේ සිදු වූයේ රාජපක්ෂවරුන්ගේ අවශ්‍යතාව මතයි. ඔවුන්ගේ බොහෝ අවශ්‍යතාව වෙනුවෙන් මට පෙනී සිටීමට සිදු වුණා. අද සිට ඒකාබද්ධ විපක්ෂයේ කැඳවුම්කරු මම. ඉදිරියේදී බොහෝ අය මා වටා එකතු වේවි. බුලත් කොළයෙන් ඡන්දය ඉල්ලා පැමිණි එක්සත් ජනතා නිදහස් සන්ධානයේ පිරිසක් ආණ්ඩු කරන විට ඒකෙම තවත් පිරිසක් ඒකාබද්ධ විපක්ෂය ලෙස පෙනී සිටීමට කිසිදු හැකියාවක් නැහැ.‘
